I runga ano i te horopaki o ngā panoni whai whare noho i Aotearoa me te taupori taipakeke haere, ka torohē matou i ngā wheako o te hunga mātāpuputu e rēti whare ana kua pupuri io ratou ano whare i mua. E whakaata ana ngā ara i whāia e aua kairēti i tētahi panoni ā-pāpori ki ngā ara whai whare noho matatini atu, morearea atu ano hoki. Ka tautohu mātou i ngā ara noa mo te wehe i te tūnga o te whai whare hei rangatira: te whitinga tumeke, te pāpātanga o te ngaromanga kairēti, me te kowhiringa whakamahere. E whakawhānui ana ano hoki i tēnei komakatanga o ngā ara mā te kokuhu i te ara taura here, tērā ka miramira i te āhua e hautūtia ai ngā mahi whakatau a ngā kaiwhaiwāhi e ngā hononga ā-ngākau ki te ūkaipo, te hau kāinga, te whakapapa rānei. Ko tā mātou e tohe nei, ka hiahiatia ngā urupare kaupapahere me ngā ratonga whakawhiti rāngai hei āwhina i te hunga mātāpuputu ki te whakariterite i ngā panoni ā-whare noho.